ඇත්තටම මේ මිනිස්සු උතුම් මිනිස්සු, තවත් කෙනෙක් බේරගන්න තම ජීවිතය දුන් අය,” – හොරණ ඛේදවාචකයේ නොඇසුණු කතාව – Video

බේරගන්න, බේරගන්න කියලා, කට්ටියක් කෑගැහුවා”

කඹයක් දාලා ඒ අය ගොඩට ගන්න හදන කොටම මට සිහිය නැතිවුනා”

හොරණ – බැල්ලපිටිය ප්‍රදේශයේ රබර් කර්මාන්තශාලාවේ සිදුවූ අනතුරෙන් පස් දෙනෙකු මියගියේ නිසි ආරක්‍ෂිත ක්‍රමවේදයන් අනුගමනය කිරීමට අපොහොසත් වීම නිසා බව කම්කරු දෙපාර්තමේන්තුව පවසා තිබෙනවා.

කම්කරු දෙපාර්තමේන්තුවේ විශේෂ කර්මාන්ත ශාලා පරීක්ෂකයන් ඊයේ (19) අනතුර සිදු වූ ස්ථානය පරික්ෂා කර මෙම නිරීක්ෂණය ප්‍රකාශයට පත් කර තිබෙනවා.

රබර් කර්මාන්ත ශාලාවේ ඇමෝනියා රසායනිකය අඩංගු වළකට වැටීමෙනුයි මෙම පස් දෙනා මරණයට පත්ව තිබුණේ. මෙලෙස මියගොස් ඇත්තේ එම කර්මාන්ත ශාලාවේ සේවය කළ සේවකයන් දෙදෙනෙක් සහ ගම්වාසීන් තිදෙනක්.

සපත්තු නිෂ්පාදන ආයතනයක් වන මෙම රබර් කර්මාන්තශාලාව සිංහල අවුරුදු නිවාඩුවෙන් පසු ඊයේ (19) නැවත වැඩ ආරම්භ කර ඇති අතර, එහිදී එක් සේවකයෙකු කම්හල් භුමියේ ඇති අපද්‍රව්‍ය ටැංකියක් පිරිසිදු කරමින් සිටියදී කිසියම් විෂ වායුවක් ආඝ්‍රාණය වීමෙන් ටැංකිය තුළට ඇද වැටී තිබෙනවා.

එලෙස ටැංකිය තුළට වැටුන පුද්ගලයාගේ ජීවිතය බේරා ගැනීම සදහා තවත් හතර දෙනෙකු ටැංකිය තුළට බැස තිබෙනවා.

ටැංකියට බැස සේවකයන් එකිනෙකා සිහිසුන්ව වැටෙද්දී සෙසු තවත් පිරිසක් මාර්ගයට පැමිණ උදව් ඉල්ලා කෑ ගසා තිබෙනවා.එකිනෙකා බේරා ගැනීමට යෑමෙදී ටැංකියෙන් පිටතට විෂ වායුව ආඝ්‍රාණය වීමෙන් මෙම පුද්ගලයන් පස් දෙනාම වල තුලට ඇද වැටී මිය ගොස් ඇ.ත්තේ.

“වහපු ටැංකියක වෑල් එකක් අරින්න ගිහින් තමයි මේක වෙලා තියෙන්නේ. මේ වගේ ටැංකියක් අරින්න විශේෂ ක්‍රමයක් තිබෙනවා,” යැයි කම්කරු දෙපාර්තමේන්තුවේ විශේෂ කර්මාන්ත ශාලා පරීක්ෂක අශෝක මෙන්ඩිස් අනතුරවූ ස්ථානය පරික්ෂා කිරීමෙන් අනතුරව මාධ්‍ය වෙත ප්‍රකාශ කර ඇත්තේ.

අනතුරට පත් වී රෝහලේ ප්‍රතිකාර ලබන ගම්වැසියෙක්

“බේරගන්න, බේරගන්න කියලා, කට්ටියක් කෑගැහුවා. ගිහිල්ල බලනකොට දෙතුන් දෙනෙක් වලකට වැටිලා හිටියා. කඹයක් දාලා ඒ අය ගොඩට ගන්න හදන කොටම මට සිහිය නැතිවුනා. මට සිහිය ආවේ ඉස්පිරිතාලේ දී,” හොරණ රෝහලේ ප්‍රතිකාර ලබන ගම්වැසියෙක් මාධ්‍ය වෙත සිද්ධිය විස්තර කරමින් පැවසුවේය.

“මොන විෂ වායුව වුනත්, මිනිහෙක් වලකට වැටිලා මැරෙනවා බලන් ඉන්න පුළුවන්ද, ඒකයි අපි උත්සාහ කළේ ඔවුන්ව බේරගන්න,” තවත් ගම්වැසියෙක් පැවසීය.

“ඇත්තටම මේ මිනිස්සු උතුම් මිනිස්සු, තවත් කෙනෙක් බේරගන්න තම ජීවිතය දුන් අය,” යැයි ගම්වැසියෙක් පැවසුවේය.

සිද්ධියෙන් අනතුරුව ගම්වාසීන් මෙම රබර් කර්මාන්ත ශාලාවට එරෙහිව විරෝධතාවයක් පැවැත්වූ අතර, මෙම කර්මාන්ත ශාලාව හේතුවෙන් අවට පරිසරය දැඩි ලෙස දූෂණය වී ඇති බවට ඔවුහු චෝදනා කරති.

සාම්පල් ගන්න ඉස්සරහ ඇලට යන්න, ඒකෙ තමයි මේ ජරාව ඔක්කොම තියෙන්නේ,” විරෝධතාවට සහභාගී වූ ගම්වැසියෙක් චෝදනා කළේය.

තත්වය පාලනය කිරීම සඳහා විශේෂ කාර්ය බලකායේ නිලධාරින්ද කර්මාන්තශාලා පරිශ්‍රයට යොදා තිබුණි.

නිසි ආරක්‍ෂිත ක්‍රමවේද අනුගමය නොකිරීමේ චෝදනාව මත කර්මාන්ත ශාලාවේ කළමනාකරු බ්‍රහස්පතින්දා පස්වරුවේ පොලිසිය විසින් අත්අඩංගුවට ගත් අතර කර්මාන්ත ශාලාවේ හිමිකරුවන්ට එරෙහිව නීති මගින් කටයුතු කරන බව පොලිසිය ප්‍රකාශ කළේය.

මෙම සිදුවීමේ දී විෂ වායුව ආඝ්‍රාණය වූ තවත් පුද්ගලයන් 12 දෙනෙකු අද උදෑසන වන විටත් හොරණ රෝහලේ ප්‍රතිකාර ලබන අතර එයින් එක් අයෙකු අසාධ්‍ය තත්වයේ පසුවෙමින් දැඩි සත්කාරක ඒකකයේ ප්‍රතිකාර ලබමින් සිටියි.

මෙම විෂ වායුවක් ආඝ්‍රාණය වීමෙන් ජීවිතක්ෂයට පත් වූ පුද්ගලයින් 5 දෙනාගේ සිරුරු පශ්චාත් මරණ පරීක්ෂණය සදහා පානදුර මූලික රෝහලට යවා තිබෙනවා.

24 වතාවක් විවාහ වූ ලී චින්ග් යොන්ගේ වසර 256ක ජීවිතයේ රහස !

ලොව වෙසෙන වයස්ගතම පුද්ගලයා ‍හෙවත් නමින් ”ලී චින්ග් යොන්”. ඔහු ලෝව පුදුමයට පත් කරමින් වසර 256ක් ජිවත් වී තිබෙනවා.

වර්ෂ 1667 දී උපත ලැබූ ”ලී චින්ග් යොන්” තම රැකියාව ලෙස ඖෂධිය ශාක වැවීම පටන් ගෙන ඇත්තේ වයස අවුරුදු 10 සිටයි.

ඔහු මේ පැලෑටි වවන අතරතුරේ දී එම ඖෂධීය ශාක සතු විභව ශක්තින් සහ දිර්ඝායුෂ විදීම සදහා ඒවා සතු ගුණයන් පිළිබදවඳ දැනුමක් ලබාගෙන තිබෙනවා.

අවුරුදු 40 දී ඔහු විසින් ආහාරයට ගෙන ඇත්තේ ඖෂධිය ශාක වන ලින්ග්ශි, ගොජි බෙරි සහ වනයේ වැවෙන ජින්සේන්ග් නම් ආයුර්වේද ශාක වර්ගයක් සහ ගොටු කොළ, බත් ආධාරයෙන් සෑදු වයින් වර්ගයි.

1749 වර්ෂයේදී ඔහු චීනයේ යුද හමුදාවට බැදී ඇත්තේ ආධුනික සෙබළුන්ට සටන් ශිල්පය ඉගැන්වීමටයි. එවකට ඔහුට වයස අවුරුදු 71 ක් වී තිබුනා. ඔහු තම ජිවිත කාලය තුල 24 න් වරක් විවාහ වී ඇති අතර දරුවන් 200 දෙනෙකුගේ පියෙකු ද වෙනවා.

ලී දරුවෙකුව සිටි කාලයේදී ඔහුට ලිවිම සහ කියවීම හොදින් පුළුවන් වූ අතර ඔහු තම දස වන උපන්දිනය වන විට කන්සු, ශාන්ෂි, ටිබෙට්, සියාම් යන ප්‍රදේශ වල සංචාරය කොට තිබෙනවා. ඒ ඖෂධිය පැළෑටි වර්ග සොයා ගැනීමේ අරමුණින්. ඉන් පසුව ඔහු මෙම ඖෂධිය පැළෑටි වර්ග අන්අයට විකුණා ඇති අතර ඔහුද එම ඖෂධ වර්ග සහ සහල් ආධාරයෙන් සකසන ලද වයින් පානය කොට තිබෙනවා.

ලී ගේ ශිෂ්‍යයන් පවසන පරිදි ඔවුන්ට වයස අවුරුදු 500ක් පමණ වූ පුද්ගලයෙකුද මුණ ගැසී තිබෙනවා. ඔහුගේ ආයුෂ එතරම් දිගුවීමට හේතු වුයේ ඔහු අනුගමනය කල විශේෂ ආහාර සැලැස්ම බවයි ඔවුන් පවසන්නේ.

වර්ෂ 1667 දී ඉපිද වර්ෂ 1933 මයි 6 වන දින මෙලොවින් සමුගත් ඔහු පවසා ඇත්තේ ලෝකයාට ඔහුගෙන් විය යුතු සියල්ල තම ජිවිත කාලය තුල ඔහු ඉටුකළ බවයි. ඔහුගේ නිවැරදි සිහි කල්පනාවෙන් යුතු මේ වචන ඔහු සතුව තිබු රහස් ගණනාවකම හෙළි කිරීමක් නොවන්නේද?

බොහෝ දෙනා සිතන්නේ වයස් ගත වීම පැරදවිය හැක්කේ ඉහල තාක්ෂනයෙන් යුතු කිරණ භාවිතයෙන් සහ භාවනා ප්‍රතිකර්ම මගින් පමණක් බවයි.

ලී ගෙන් තම දිගු ජිවිත ගමන ගැන විමසු විට ඔහු පවසන්නේ කලබලයකින් තොර හදවතක් පවත්වාගැනීම, ඉබ්බෙකු මෙන් වාඩි වී සිටීම, පරවියෙකු මෙන් කඩිසරව ඇවිදීම සහ බල්ලෙකු මෙන් නිදාගැනීම ඔහුගේ දිර්ඝායුෂ භුක්ති විදීමේ රහස බවයි. එමෙන්ම ඔහු විසින් ප්‍රගුණ කරන ලද මනස සම්බන්ධ කරගත් ආශ්වාස ප්‍රශ්වාස ගැනීමේ තාක්ෂණික ක්‍රමද ඔහුගේ මෙම රහස් අතර වෙනවා.

වර්තමානයේ පුද්ගලයෙකුගේ ආයුෂ කාලය වන්නේ වසර 70-85 ත් අතර කාලයක් පමණි. මෙසේ වසර දෙසීයකට වඩා කාලයක් ආයුෂ භුක්ති විදීම ඇත්ත වශයෙන්ම පුදුමයකට කාරණයක්.

ඔහු පිළිබඳව සැකසූ වීඩියෝවක් පහතින්,

හාම්පුතාගේ වෙඩි පහරින් මියගිය ගෘහ සේවයේ නියැලුණු ප්‍රියංකාගේ දේහය නිවසට (Photos)

විදේශගතව සිටිය දී ඉකුත් මාර්තු මස 10 වන දා වෙඩි තබා ඝාතනය කරන ලද ප්‍රියංකා ජයසේකර නම් තිදරු මවගේ දේහය අද(19) අළුයම 1 ට පමණ ගාල්ල වඳුරඹ කටඹුරාව පිහිටි ඇගේ නිවසට රැගෙන විත් තිබෙනවා.

සෞදි අරාබියාවේ සේවය කරමින් සිටිය දී සිය හාම්පුතාගේ වෙඩි පහරකින් මියගිය 38 හැවිරිදි ප්‍රියංකා ජයසේකර ඝාතනය වී ඇත්තේ සෞදි අරාබියේ බුරේද්හ් හීදි බව සෞදි තානාපති කාර්යාලය සඳහන් කළා.

මෙම ඝාතනය සිදුකළ බව කියන 31 හැවිරිදි ඔහුගේ හාම්පුතාගේ පුතා මානසික රෝගයකින් පෙළෙන බවත් දඩයම් කිරිම සඳහා යොදා ගන්නා ගිනි අවියකින් මෙසේ ඇයට වෙඩි තබා ඇති බවත් පසුව ඔහුද වෙඩි තබා ගෙන සියදිවි නසා ගෙන ඇති බවත් සඳහන්.

මෙම ගෘහ සේවිකාවගේ දේහය පිළිබඳ මරණ පරීක්ෂණය සෞදියේ අල්රාස් රෝහලේ දී ද පසුව, ඊයේ දිනයේ දී ලංකාවේ දී පවත්වා තිබෙනවා.

ලංකාවේ අධිකරණ වෛද්‍ය සහ විෂවේද ආයතනයේ විශේෂඥ අධිකරණ වෛද්‍ය එම්.එල්.රාහුල් හක් මහතා විසින් ඊයේ දිනයේ දී කරන ලද පරීක්ෂණයක දී ද අනාවරණය වී ඇත්තේ මෙම මරණය ගිනි අවියකින් නිකුත් වු මුනිස්සම් මඟින් පපුවේ අභ්‍යන්තර අවයවවලට සිදුවු මරණීය තුවාල හේතුවෙන් සිදුවු මරණයක් බවයි.

කෙසේ නමුත් මේ සම්බන්ධයෙන් ගාල්ල වඳුරඹ කටඹුරාව, ප්‍රදේශයේ පදිංචි ප්‍රියංකා ජයසේකර මහත්මියගේ ඥාතීන් පවසන පරිදි පසුගිය 2017 වර්ෂයේ ඇය විදේශ ගත වී ඇත්තේ හතරවන වතාවටයි.

ප්‍රියංකාට දරුවන් තිදෙනෙකු සිටින අතර එක් දරුවෙකු හදවත් රෝගයකින් පීඩා විදින නිසා එම ප්‍රතිකාරවලට අවශ්‍ය වියදම් සොයා ගැනීම සඳහා මෙලෙස විදේශ ගත වී තිබෙනවා.

මෙම මරණය සම්බන්ධයෙන් නිසි පරීක්ෂණයක් පවත්වන ලෙසයි ඔවුන් ඉල්ලා සිටින්නේ.

ලොව පළමු වරට එළිදැක්වූ රොබෝ ලිංගික සහකරු”හෙන්රි’

ලොව පළමු වරට එළිදැක්වූ රොබෝ ලිංගික සහකරු”හෙන්රි’

කැලිෆෝනියාවේ ලිංගික තාක්ෂණ ආයතනයක් වන Realbotix ආයතනය විසින් ලොව පළමු වරට රොබෝ ලිංගික සහකරුවෙකු නිපදවා තිබෙනවා.

අනිවාර්යෙන්ම ෂෙයා කරලා සප් එකක් දෙන්නත් අමතක කරන්න එපා ….. මෙවන් වීඩියෝ දිනපතාම ඔබට නරබන්න අවශ්‍යනම් අනිවාර්යෙන්ම අපගේ youtube චැනල් එක subscribe කරන්න .ඔබට සුබ දවසක් සම්පුර්ණ විස්තරය සහිත වීඩියෝව පහලින් නරබන්න

වීඩියෝව youtube ඔස්සේ නරබනවානම් මෙතන ඔබන්න

හැමදාම මේ වගේ අලුත්ම තොරතුරු දැනගැනීමට නොදුටු ලොව චැනල් එක subscribe කරන්න මෙතන ඔබන්න

රඟපාන්න කතා කරලා අධ්‍යක්ෂකවරු ගෙනා අයුතු යෝජනා ගැන මියගිය නිළිය කලින් කියූ කතා – Photos

“වහෙන් ඔරෝ තමයි යෝජනා කරන්නේ…“

“නළුවන්ගෙනුත් විවාහ යෝජනා ඇවිත් තියෙනවා…“

තුෂානි ද සිල්වා නව පරපුරේ දක්ෂ රංගන ශිල්පිනියක්. කෙටි කලක් ඇතුළත නිර්මාණ රැසකටම රංගනයෙන් දායකවීමට තුෂානි ද සිල්වාට අවස්ථාව ලැබුණා. මේ ඇයත් සමඟ කලකට පෙර සිදුකළ කතාබහක්.

ඉතින් තුෂානි කොහොමද මේ දිනවල කාලය ගත කරන්නේ?

සුපුරුදු පරිදි රංගන කටයුතුවල නියැලෙනවා. මීට පෙර රංගනයෙන් දායක වූ නිර්මාණ කිහිපයක්ම ඉදිරියේදී විකාශය වීමට නියමිතයි. ඒ ගැන බලාපොරොත්තු තියාගෙන කාලය ගත කරනවා.

තුෂානිගේ රංගන කටයුතු ගැන කතා කළොත්?

ජනප්‍රිය ටෙලිනාට්‍ය රැසකටම මගේ රංගන දායකත්වය ලබා දෙන්න මට හැකිවුණා. ඒ වගේම නැති බැරි ටාසන්, ද්විත්ව, රන්සයුර වගේ චිත්‍රපට කිහිපයකටත් මං රංගනයෙන් දායක වෙලා තියෙනවා.

ඔබ රංගනයට පිවිසුණේ ඇයි?

කලාව මගේ ඇඟේ තියෙනවා. කලාවට මං හරි ආදරෙයි. මට පුංචි කාලේ හිතිලා තියෙනවා කවදා හරි මං ජීවිතය දිනන්නේ කලාවෙන් කියලා. ඒ හින්දයි රංගනයට යොමු වුණේ.

ගෙදරින් මොන වගේ සහයක් ද ඒ සඳහා ඔබට ලැබුණේ?

තාත්තා නම් කොහෙත්ම කැමැති වුණේ නැහැ රඟපානවට. නමුත් අම්මා මට සහය දුන්නා. මේ වන විට පවුලේ සියලු සාමාජිකයින් මට උදව් කරනවා. ඒ මං කලාව හරියට කරන නිසා. ඇත්තෙන්ම කිව්වොත් මං කලාව පූජනීයත්වයෙන් අදහනවා.

කෙතරම් දේවත්වයෙන් සැලකුව ද කලාව එපාවෙන අවස්ථා තියෙනවා නේද?

එපා වෙනවා නෙවෙයි. අපේ මිනිස්සු විසින් කලාව එපා කරවනවා.

කොහොමද එහෙම කරන්නේ?

හරි සරලයි. නිර්මාණයකට අපට ආරාධනා කරන ගමං වහෙන් ඔරෝ අයුතු යෝජනා දානවා. එතකොට එපා වෙනවා.

එවන් යෝජනාවක් කරන බවට නිසැකවම දැනගන්නේ මොන අයුරින්ද?

ගොනා හැරෙද්දි දන්නවා මේ එන්නෙ පොල් පැලේ කන්න තමා කියලා. නිර්මාණය ගැන කියලා පසුව කියනවා ඔයාගෙන් ඉතින් අපටත් ප්‍රයෝජනයක් තියෙනවනෙ නේද කියලා. එතකොට දන්නවා මේ අහන්නෙ නම් හොඳකට නෙවෙයි කියලා.

එතකොට ඔබ මොකද කරන්නේ?

වෙන මොනවා කරන්නද, නිර්මාණය අතහැරලා දානවා.

එලෙස ඔබ නිර්මාණ කීයක් අතහැරලා තියෙනවාද?

ටෙලිනාට්‍ය හයක් හතක් විතර.

තුෂානි රංගනය හදාරනවාද?

ඔව්. මං මුලින්ම රවීන්ද්‍ර විජේරත්න මහත්මයාගෙන් රංගනය ඉගෙන ගත්තා. පසුව අනෝජා වීරසිංහ මහත්මියගේ වැඩමුළුවලට සහභාගි වුණා. වර්තමානයේදී මහේන්ද්‍ර පෙරේරා මහත්මයා ළඟ රංගනය හදාරනවා.

රඟපාලා හම්බ වෙන මුදල් ඇති ද ජීවත්වීම සඳහා?

කොහෙත්ම නැහැ. අපිට හැමදාම වැඩ නැහැනෙ. ඉතින් වෙන ක්‍රමයක් අවශ්‍ය වෙනවා රඟපාන ගමන් මුදල් හොයන්න.

ඔබත් එහෙමද?

ඔව්.

ඔබ මොකක්ද පාවිච්චි කරන වෙන ක්‍රමය මුදල් හම්බ කරන්න?

මං සාරි ඩිසයින් කරනවා.

සමහර නව පරපුරේ නිළියන් සල්ලි තියෙන පිරිමි එක්ක හාද වෙනවා ලාභ ප්‍රයෝජන තකා?

ඒ ගැන මමත් අහලා තියෙනවා.

ඔබට එහෙම හිතිලා නැද්ද?

අනේ නැහැ. එහෙම හිතිලම නැහැ.

නළුවකුගෙන් විවාහ යෝජනා ඇවිත් තියෙනවාද?

ඔව්. ඔව්, හැබැයි ඒ යෝජනා ලැබෙන පරක්කුවෙන්ම අහක දානවා.

ඇයි ක්ෂෙත්‍රයේ අයව විශ්වාස නැද්ද?

එහෙම නෙවෙයි. යෝජනා නම් එන්න පුළුවන්. නමුත් ආදරයක් කියන දේ දැනෙන්න එපායැ. දැනෙන්නේ නැතුව කොහොමද යෝජනාවක් ආ පලියට එකඟ වන්නේ.

තුෂානිට ආදර ජවනිකාවන් හොඳින් ඉදිරිපත් කිරීමට හැකි මොන වගේ නළුවන් එක්කද?

එහෙම නම් වශයෙන් මට කියන්න අමාරුයි. නිළියක් හැටියට විවිධ චරිත කරන්න ලැබෙනවනෙ. ඉතින් මං හිතනවා තරුණ වගේම වයසක නළුවො එක්ක වුණත් මට හොඳින් ආදර ජවනිකා කරන්න පුළුවන් වේවි කියලා.

ඔබ රඟපාන්න කැමැත්තෙන් ඉන්න අධ්‍යක්ෂවරු කවුද ඉන්නේ?

හොඳ නිර්මාණ කරන ඕනෑම අධ්‍යක්ෂවරුන්ගේ නිර්මාණවලට එකතුවන්න කැමැතියි.

මේ වන විට ඔබ පෙම්වතියක්ද?

නැහැ, හැබැයි පෙම්වතෙක් හිටියා. දැන් නැහැ.

රඟපාන්න ගිහින් ලැබූ අමිහිරිම අත්දැකීම මොකක්ද?

එක්තරා නිර්මාණයකට මං ගියාම මට තවත් නිළියක් එක්ක එක කාමරයක ඉන්න වුණා. ඇය තරමක් අපිරිසුදු ජීවිතයක් ගත කළේ. මං ඇයට අවවාද කළා එහෙම ඉන්න එපා කියලා. මගේ අවවාද සැරකමටද මන්දා ඇයට කේන්ති ගියා. පහුවෙනිදා උදේ ඇය පිටත් වුණා. ඇය ගිහින් තියන්නේ මං නිදාගෙන ඉන්න වෙලාවේ මගේ කොණ්ඩෙත් කපලා.

බොහෝ දෙනාගේ ආදරය දිනාගත් “මහරජ කන්සා” හි රගන සුරතල් ක‍්‍රිෂ්ණාගේ සැබෑ ජීවිතය පිලිබඳ පුදුම හිතෙන කතාව

මහරජ කන්සා කතාවෙහි රගන සුරතල ක‍්‍රිෂ්ණා කුමරුගේ සැබෑ ජීවිතය පිලිබඳ පුදුම හිතෙන කතාවක් මෙන්න

සෙල්ලම් කිරීමට මෙන්ම පුංචි පුංචි දග වැඩ කිරීමට ද, විහිළු තහළු කරමින් සැවොම සිනා ගැන්වීමට ද උපන් හපන්කම් ඇති පුංචි දගයෙකු නිසා මහරජ කන්සා ටෙලි කතා මාලාව මේ වනවිට රූපවාහිනී පේ‍්‍රක්ෂ්කයන් අතර මහත් ජනප‍්‍රියත්වයට පත් වී තිබේ. මෙකී පුංචි දගයා අන් කවරකුත් නොව මහරජ කන්සා හි ප‍්‍රධාන චරිතය වූ ක‍්‍රිෂ්ණා කුමරුන්ගේ කුඩා කාලයේ චරිතය සඳහා රංගනයෙන් දායක වන නිර්නා සමාධියාය.

මේ වනවිට වයස අවුරුදු 6 ක් වන පුංචි නිර්නා මහරජ කන්සා ටෙලි නාට්‍ය මාලාවට එක්වන විට ඔහුගේ වයස අවුරුදු හතර ලැබුවා පමණි. ඒ වනවිට ඔහු ඉන්දියානු රූපවාහිනී නාලිකාවක් වන සෝනි ටීවී හි විකාශය වූ සබ්සේ බඩා කලාකර් නම් වූ රියැලිටි වැඩසටහන හරහා මුළු ඉන්දියාවේම ප‍්‍රසිද්ධියට පත් වී සිටි ළමා රංගන ශිල්පියෙකි. මෙම රියැලිටි වැඩසටහන තුළින් විවිධ චරිත දහයකට අධික සංඛ්‍යාවක් සඳහා රංගනයේ යෙදී ඇති නිර්නා එහි විනිසුරුවන් වන රවීනා තන්ඩන්, බෝමන් ඉරානි සහ අර්ෂාඞ් වර්ෂි පුදුමයට පත් කළ ළමා තරගකරුවෙකු ලෙස ද හැඳින්විය හැකිය. නමුත් මෙම රියැලිටි තරගාවලියේ අවසන් තරගකරුවන් දොළොස් දෙනා අතරින් ඉවත්ව යන්නට ඔහුට සිදු විය.

ඉන්පසු Paramavatar Shri Krishna කතා මාලාවේ ක‍්‍රිෂ්ණාගේ බාල කාලය සඳහා රංගනයෙන් දායක වන්නට කැමති කුඩා දරුවන් සඳහා පැවැත් වූ සම්මුඛ පරීක්ෂණයෙන් පුංචි නිර්නා සමත් වී ඇත්තේ ළමා තරගකරුවන් 300 දෙනෙකු පරදවමිනි. ඒ අයුරින් ක‍්‍රිෂ්ණා චරිතය සඳහා තේරීපත් වූ ඔහු මේ වනවිට ටෙලි නාට්‍ය මාලා තුනක් සඳහා රංගනයෙන් දායක වී තිබේ.

2011 වසරේ ඔක්තෝබර් මස පළමු වෙනිදා ඉන්දියාවේ ඉන්දෝරා හි උපත ලද පුංචි නිර්නා මේ දක්වාම ජීවත් වන්නේ ඉන්දෝරා නගරයේමය. ඔහුගේ පියා අමිත් සමාධියා වෘත්තියෙන් ගුරුවරයෙකු වන අතර මව දීපාලි සමාධියා ගෘහණියකි. ඔවුන්ගේ එකම දරුවා වූ නිර්නා ඔවුන් විසින් හඳුන්වනු ලබන්නේ බෙබූ යන සුරතල් නාමයෙනි. ඔහු බාල කාලයේ සිටම විවිධ චරිත අනුකරණය කරමින් රංගනයේ යෙදෙන්නට මහත් කැමැත්තක් සහ දක්ෂතාවක් දැක් වූ බව ඔවුහු කියති. ඉන්දෝරා ප‍්‍රාථමික පාසැලේ පළමු වසරේ ඉගෙන ගන්නා නිර්නා ඉගෙනීමට මෙන්ම ස්කේටිං ක‍්‍රීඩාවට ද දක්ෂකම් දක්වන්නෙකි. මව පවසන අන්දමට නිර්නාට විනෝදාංශ දෙකක් තිබේ. ඉන් පළමුවැන්න වීඩියෝ ගේම් ගැසීමය. දෙවැන්න චිත‍්‍රපට බැලීමය.

කන්සා ටෙලි නාට්‍ය මාලාව නිසා ජනාදරයට පත් පුංචි නිර්නා වරක් සන් ටීවී හි සම්මුඛ සාකච්ඡුාවක් සඳහා සහභාගි විය. එහිදී ඔහුගේ අනාගත බලාපොරොත්තු පිළිබඳව ඇසූ විට ඔහු පැවසුවේ තමා ටයිගර් ෂ්රොෆ්ගේ වැනි පෙනුමක් හදා ගන්නට කැමැත්තෙන් සිටිනා බව සහ සල්මාන් ඛාන් ඇවිදින ආකාරයට ඇවිදින්නට කැමැත්තෙන් සිටිනා බවත් ය. ඒ නිසා ලොකු වූ පසු ෂ්රොෆ් මෙන් කොණ්ඩය සහ රැවුල සාදාගෙන සල්මාන් මෙන් ඇවිදීම තම එකම බලාපොරොත්තුව බව පුංචි නිර්නා පවසා තිබේ. කන්සා ටෙලි නාට්‍ය මාලාවේ රාධාගේ චරිතය ර`ගපාන පුංචි රංගන ශිල්පිණිය පිළිබඳව ඇසූ විට ඔහු පවසා තිබුණේ ‘‘එයාගෙ වැඬේ කියවන එකයි මාව සෙල්ලමට ගන්න එකයි ඒ නිසා මම වැඩිය එයාට කැමති නෑ මම කැමති ශ‍්‍රද්ධා කපූර් වගේ අහිංසක අයට විතරයි” යනුවෙනි.

දුලංජලී මුතුවාඩිගේ

ශ්‍රී ලංකා ක්‍රිකට් කණ්ඩායමට එක්වන ලෝක ක්‍රිකට් පිටිය හෙල්ලූ අලුත්ම තරුව මෙන්න – ගුරුසිංහටත් මාරුවක්

පුහුණුකරුවන් කිහිපදෙනෙකු සමග සාකච්ඡා…..

ශ්‍රී ලංකා ක්‍රිකට් කණ්ඩායමේ දඟ පන්දු යවන්නන්ගේ  පුහුණුකරු ධුරයට සහ පන්දු රැකීමේ පුහුණුකරු ධුරයට, පුහුණුකරුවන් බඳවාගැනීමට ශ්‍රී ලංකා ක්‍රිකට් ආයතනය නම ගිය පුහුණුකරුවන් කිහිපදෙනෙකු සමග සාකච්ඡා  ආරම්භ කර තිබෙනවා…..සම්පුර්ණ විස්තරය සහිත වීඩියෝව පහලින් නරබන්න . මෙවන් වීඩියෝ දිනපතාම ඔබට නරබන්න අවශ්‍යනම් අනිවාර්යෙන්ම අපගේ youtube චැනල් එක subscribe කරන්න .ඔබට සුබ දවසක්

වීඩියෝව youtube ඔස්සේ නරබනවානම් මෙතන ඔබන්න

හැමදාම මේ වගේ අලුත්ම තොරතුරු දැනගැනීමට නොදුටු ලොව චැනල් එක subscribe කරන්න මෙතන ඔබන්න

“ඒ වෙලාවේ මගේ ඇගේ නුල් පොටක්වත් තිබුණේ නැහැ.ටෙලිනාට්‍ය රඟපෑම නෙමෙයි ඊට පස්සේ මට වුණේ එක එක මිනිස්සු සතුටු කරන්න”

සුරංගනී. තරුණ වියේදී බොහෝ හැඩට සිටින්නට ඇත.

ඒ හිතුවක්කාර කමම ඇයව විනාශය කරා ගෙන ආවාය. එමෙන්ම ඇගේ සිහිනය ඇයට උරුමකළේ වැදගැම්මකට නැති ජීවිතයකි.
නමුදු ඇය තවමත් ජීවත් වන්නීය. “තරුණ කෙල්ලන්ට කියන්න මේ ගඳගහන සමාජයෙන් පරිස්සම් වෙන්න කියලා.” ඇය ඒ ඉල්ලීම කරන්නේ තමන්ට අත් වූ ඉරණම තවත් කෙනෙකුට අත්නොවේවා යන සද්භාවයෙනි.

“මං හිතලා වැරදි කළේ නැහැ. එත් මගේ ජීවිතය අපායකට ඇදලා දැම්මේ මගෙ වටේම හිටපු අය.

අද මට හිරගෙදර ඉස්සරහ මේ විදිහට බලාගෙන ඉන්න වෙලා තියෙන්නේ ඒ නිසයි. දුක කියන්න කෙනෙක් නැහැ. කාවවත් විශ්වාස කරන්නත් බැහැ.

මේ ජීවිතයෙන් මිදෙන්න ක්‍රමයකුත් නැහැ.”

“අපි මහ පවුකාර ගැහැනු”

ඇය එසේ කියන්නේ මන්දැයි මම විමසුවෙමි.

“මං නම් දකින්නේ ගැහැනු කියන්නේ හැමදාම දුක් විදින අය හැටියට.”

ඇය කතාවට මුල පුරන්නට වුවාය.

“ඉස්කෝලේ යන කාලේ මට හීනයක් තිබුණා. ඒ තමයි නිළියක් වීම. අපේ තාත්තා හොඳට පොත්පත් කියවපු කෙනෙක්. අම්මා චිත්‍රපටි වලට පිස්සු වැටිලා හිටපු කෙනෙක්.

ඒ නිසා ඒකාලේ චිත්‍රපටි හෝල්වලට ආව හැම චිත්‍රපටයක්ම අම්මයි තාත්තායි බලන්න යනවා. අපිත් එක්ක ගෙන යනවා.”
“මට යන්තටම වගේ මතකයි රුක්මනි දේවි මැරණ වෙලාවේ අපේ අම්මා අඬනවා. විජය කුමරතුංග මැරුණ වෙලාවෙත් අපේ පැත්තේ හැමෝම ඇඬුවා.

ලොකු අක්කාත් පත්තර එකතු කරනවා. මම නළු නිළියන්ගේ පින්තුර එකතු කළා. එතකොට මට අවුරුදු දාසයක් විතර ඇති. උඹ නළු නිළියන්ගේ පිංතූර එකතු කළාට කමක් නැහැ ඉගෙන ගන්න ඕනෑ.”

“තාත්තා හැමවෙලේම මට එහෙම කිව්වා. කුලී වැඩ කරපු අපේ තාත්තා හරිම සුන්දර මනුස්සයෙක්. නමුත් එයා ගහකින් වැටිලා හදිස්සියේම මැරුණා.

ඊට පස්සේ අපේ අම්මා අක්කගෙයි මගෙයි ජීවිත වලට පණ දෙන්න ගත්තා. අම්මා පොළේ කීර විකුණන්න ගත්තා. ඒ රස්සාවෙන් මහා ලොකු ආදායමක් ලැබුණේ නැහැ. සාමාන්‍ය පෙළ විභාගය ලියලා ඉවර වුණාට පස්සේ ලොකු අක්කා රස්සාවකට ගියා. අක්කා රස්සාවකට ගියේ අම්මා දුක් විඳිනවා බලාගෙන ඉන්න බැරුව.”

“පොඩිඩ්යේ උඹ ඉගෙන ගනිං මං උඹ ගැන බලාගන්නම්.”

“අක්කා එහෙම කිව්වට සාමාන්‍යපෙළ විභාගය ලිව්වට පස්සේ මටත් හිතුනෙම රස්සාවකට යන්න. ඊටත් වඩා මට ඕන වුණේ මගේ හීනය හැබෑ කරගන්න.

අක්කා මට පත්තර ගෙනැල්ලා දුන්නා මං ඒවායේ ටෙලිනාට්‍ය නිළියෝ චිත්‍රපට නිළියෝ ගැන තිබුණ ලිපි කියෙව්වා.පින්තුර එකතු කළා. දවසක් පත්තරයක තිබුණ අලුත් ටෙලිනාට්‍යයකට නිළියෝ ගන්නවා කියලා දැන්වීමක්. ඒකට ඡායාරූපයකුත් එවන්න කියලා තිබුණා. මං ඒ දැන්වීම දැක්කම ලොකු හීන ගොඩක් දැක්කා. මම ඉල්ලමි පත්‍රයක් දැම්මා.

මගේ පින්තුර දෙකතුත් දැම්මා. මාසයකට විතර පස්සේ මට ලියුමක් ලැබුණා. සම්මුඛ පරීක්ෂණ සඳහා එන්න කියලා. එදා මම පුදුම සතුටකින් හිටියේ. අම්මයි මමයි අක්කයි තුන්දෙනාම කොළඹ ආවා. අපිට හමුවුණ මහත්තයා බොහෝම හොඳ කෙනෙක්. ඒ එදා අපි එයා ගැන හිතපු විදිහ.”

එදා මොකද වුණේ?

මම ඇගෙන් ඇසුවෙමි.

“ඇත්තම කිව්වොත් එදා මුකුත් වුණේ නැහැ. එයා මගේ ඡායාරූප කිහිපයක්ම ගත්තා. ඊට පස්සේ අපිත් එක්ක කතා කළා. එදා සම්මුඛ පරීක්ෂණයට තව අය ඇවිත් හිටියා.”

“අපි දන්වලා එවන්නම්”

නෝනා කෙනෙක් අපිට කිව්වා. ඒත් අපිත් එක්ක කතා කරපු මහත්තයා අම්මගෙ ළඟට ඇවිල්ලා කිව්වා අපි ඔයාගේ දුව තෝරාගත්තා කියලා.

ඒ සුබදායක ආරංචියත් එක්ක අපි ගෙදර ආවා.

අක්කටයි අම්මටයි සතුටුයි වගේම හරි දුකයි. මම කොළඹ නතර වෙන්න යනවට. අක්කගෙ ලොකු කැමැත්තක් තිබුණේ නැහැ. ඒත් ඊළඟ ලියුම ආවහාම මං කොළඹ ආවා. එදා අම්මා විතරයි ආවේ.

අනේ දුවේ පරිස්සමෙන් ඉන්න ඕන. අම්මා මඟ දිගටම කිව්වේ ඒ වචන ටික විතරයි.

අපි කොළඹ ඇවිල්ලා අර මහත්තයව හමුවුණා. එදා හිටපු නෝනත් එතැන හිටියා. අපිට ඒ අය ගැන කිසිම සැකයක් ඇති වුණේ නැහැ.

නෝනයි මහත්තයයි අම්මවයි මාවයි එකක්ගෙන ගියා ලොකු ගෙදරකට. ඒ ගෙදර තව ගෑනු ළමයි දෙන්නෙක් හිටියා. අම්මා බයවෙන්න එපා. මෙතැන තමයි ඔයාගේ දුවගෙ නවාතැන.

මෙතන තව ගෑනු ළමයි ඉන්නවා. අපි මේ දවස්වල අලුත් නාට්‍යයක පුහුණු වීම් කරනවා දුවව තෝරගෙන තියෙන්නේ ඒකේ ප්‍රධාන චරිතයට.”

ඒ නෝනා කියන්න ගත්තා. ඊට පස්සේ මහත්තයා ඇඩ්වාන්ස් එකක් කියලා මගෙ අතට රුපියල් පන්දාහක් දුන්නා.

රඟපාන්න ගියේ නැද්ද?

“ටෙලි නාට්‍යයක චරිතයකට අපි පුහුණු වුණා. දවසක් මාව එතැන ගෑනු ළමයෙක් සැලුන් එකකට එක්කගෙන ගියා.

ඔය අතර තමයි දවසක් මට ජීවිතේම නැති වුණේ. දවසක් මහත්තයා මාව එළියට එක්කගෙන ගියා. එදා මට හිතාගන්න බැරි වුණා මොකද වුණේ කියලා.

මහත්තයා මාව හෝටලයකට එක්කගෙන ගියා. ඊට පස්සේ ටිකක් රෑ වෙනකොට මට ඉන්න කියලා එයා එළියට ගියා. ටිකකින් මට වේටර් කෙනෙක් ඇවිල්ලා බොන්න බීම එකක් ගෙනැත් දුන්නා. මං ඇහැරුණේ උදේ.

ඒ වෙලාවේ මගේ ඇගේ නුල් පොටක්වත් තිබුණේ නැහැ. මං කෑගහලා ඇඩුවා. නෝනයි මහත්තයි දෙන්නම කාමරේ. මං පොලිසි යනවා කියලා කෑගැහුවා. එතකොට තමයි නෝනා මට කිව්වේ උඹ පොලිසි යන්න කලින් මේක බලපන් කියලා. මට පෙන්නුවේ විඩියෝ එකක්.

ඒකේ තිබුණේ මගේ නිරූවත් පින්තූර කවුද මිනිහෙක් මාව දුෂණය කරන දර්ශන ඒක දැකලා මට පිස්සු හැදුණා.

උඹ මේක ගැන කාට හරි කිව්වොත් උඹේ ගෙදරට, ගමට මේවා පෙන්වනවා කියලා නෝනා මට තර්ජනය කළා.” මම ඇත්තටම නිහඬ වුණා. ඉන් පස්සේ මගේ ජීවිතේ හුඟාක් වෙනස් වුණා. ටෙලිනාට්‍ය රඟපෑම නෙමෙයි ඊට පස්සේ මට වුණේ එක එක මිනිස්සු සතුටු කරන්න. ඒක මහා ජරා ජීවිතයක්. නමුත් මම ඉන්නේ සුපිරි ගණිකා මඩමක කියලා මං දැන ගත්තේ පළවෙනිවතාවට පොලිසියට අහුවුණ දවසේ. එදා ඇප ලැබුණා. ඉන් පස්සේ මං කීප පාරක් හිරේ ගියාද? මටවත් මතක නැහැ.”

ගෙදර අය දන්නේ නැද්ද?

“කොහොමද කටක් ඇරලා කියන්නේ. මං අම්මාට කිව්වා ටික දවසකට රට යනවා කියලා. අම්මයි අක්කයි දෙන්නම ඒ කතාව විශ්වාස කළා.

කාලය ගෙවිලා ගියා. අම්මා නැතිවුණා. අක්කා විවාහ වුණා. මම මැරී මැරී ජීවත් වුණා.

දැන් මගෙ වයස අවුරුදු හතළිස් පහයි. දැන්නම් ඉතිං අපි වයසට ගිහිල්ලා. එත් රූපය රැක ගන්න හුඟාක් දේ කරනවා. නෝනා දැන් වයසයි. එයාගෙ පෙනුමනම් අවුරුදු පනහක්වත් නැහැ වගේ.”

අද හිරගෙදර ආවේ?

“අපේ කෙල්ලෝ දෙන්නෙක්ව පොලිසියෙන් ඇල්ලුවා. ඒ දෙන්නා දැන් මාස ගානක් තිස්සේ හිරේ. අලුත් කෙල්ලෝ මං ආවේ බලලා යන්න. මේ කෙල්ලෝ ගැන දුකයි. ඒත් ඒ අය ගැන අපිට තීරණයක් ගන්න බැහැනේ.”

අක්කා බලන්න ගියේ නැද්ද?

“ඉස්සර ගියා. දැන් යන්නේ නැහැ. අක්කා මං ගෙවන ජීවිතය ගැන දන්නවා. අක්කා මාව අත්ඇරලා තියෙන්නේ.

එයාට ලස්සන ජීවිතයක් තියෙනවා. මට තියෙන්නේ කුණු වෙච්ච ජීවිතයක්. ඒ කුණුගොඩේම ඉන්නවා ඇරෙන්න දැන් මට වෙන කරන්න දෙයක් නැහැ.”

සුරංගනී පවසන්නට වුයේ සුසුමක් හෙළමිනි.

වසර විසි හතරක් පුරා දියණිය සෙවු පියසෙනෙහස අවසානයේ ජයගත් හැටි (Photos)

මෙම සිදුවීමට අදාල දියණිය අන්තර්ජාල පුවතක් දැකීමෙන් මේ වසරේ මුල් භාගයේදී සිය පියා සමග දුරකතනයෙන් සම්බන්ධවී ඇත.

විශ්වාස කිරීමට පවා අපහසු මෙම පුවත චීනය පුරා පැතිර ගියේ විදුලි වේගයෙනි. ඊයේ (අප්‍රේල් 03) සිදුවූ එම පියා සහ දියණියගේ හමුවීම බොහෝ දෙනකු විසින් සමරනු ලැබ ඇත්තේ උත්සවාකාරයෙනි.

තම දියණිය ‘කයිෆිංග්’ ඇයට වසර තුනක්ව තිබියදී අතුරුදහන් වූ බව ‘වන්ග්’ නම් පුද්ගලයා චීන මාධ්‍යයන්ට ප්‍රකාශ කර ඇත. වන්ග්’ සහ ඔහුගේ බිරිඳ පළතුරු වෙළෙන්දන්වූ අතර, මිට වසර 24 කට පෙර එක්තරා දිනයක පළතුරු විකුණා අවසන් වනවිට තමන් සමග සිටි තෙහැවිරිදි දියණිය අතුරුදහන්ව ඇති බව ඔවූහු තේරුම් ගත්හ.

වසර ගණනාවක් පුවත්පත්වල සහ අන්තර්ජාලයේ දැන්වීම් පළකරමින්, තමන් ජීවත් වෙන නගරය හා ඒ ආශ්‍රිත ප්‍රදේශ පුරා ඔවුහු තම දියණිය සොයා ගියහ. තවත් කුඩා දියණියකගේ දෙමාපියන් වූ වන්ග් යුවළ ‘චැංග්ඩු’ (Chengdu) නගරය හැරදා නොගියේ තම දියණිය කවදා හෝ නැවත පැමිණේය යන අපේක්ෂාවෙනි.

තම දියණිය සොයා යන මෙහෙයුම තවත් පුළුල් කළ යුතුය යන විශ්වාසයෙන් වන්ග් 2015 වසරේ ප්‍රදේශයේ කුළී රථ සමාගමක රියැදුරකු ලෙස සේවයට බැඳෙන්නේ, යම් දිනෙක තම දියණිය එම කුළී රියේ මගියකු ලෙස හෝ හමුවේය යන අපේක්ෂාවෙනි.

තම කුළී රථයේ පිටුපස වීදුරුවේ තමන්ගේ ආයාචනය ඇතුලත් දැන්වීමක් ඇලවූ වන්ග්, කයිෆිංග් ගේ තොරතුරු ඇතුලත් කාඩ් පතක්, ඔහුගේ රථයේ ගමන් ගත් සෑම මගියකු අතට දීම පුරුද්දක් කර ගත්තේය.තම දියණියගේ ඡායාරූපයක් නොමැතිවීම හේතුවෙන් වන්ග් තම බාල දියණියගේ ඡායාරූපයක් එම තොරතුරුවලට ඇතුලත් කරන ලද්දේ ඔවුන් දෙදෙනා සමාන රුවින් යුතුවූ බැවිනි.

වසර ගණනාවක් පුරා චීන පොලීසිය ‘කයිෆිංග්’ යැයි සැකකළ හැකි කාන්තාවන් කීපදෙනකුගේ DNA පරීක්ෂා කළ නමුදු ඒවා ‘වන්ග්’ පවුලට ගැළපුනේ නැත.

චිත්‍ර ශිල්පියෙක් පසුගිය වසරේ වන්ග්ගේ උපකාරයට පැමිණියේය. තරුණ කයිෆිංග්ගේ මනඃකල්පිත රූපයක් ඔහු නිර්මාණය කළ අතර එය අන්තර්ජාලය පුරා ප්‍රචාරය විය.

කිලෝමීටර් දහස් ගණනක් ඈත, රටේ එක් කෙළවරක, කන්ග් යින්ග් (Kang Ying) නම් කාන්තාවක් ද එම චිත්‍රය දුටුවාය. තම රූපයට සමාන එම චිත්‍රය දැකීමෙන් ඇය තැති ගත්තාය.

මෙම වසර මුලදී ඇය වන්ග් වෙත දුරකථන ඇමතුමක් දුන්නාය. එහිදී ඇගේ නළලේ ඇති කැළලක් සහ හැඬූ පසු වමනය මෙන් දැනෙන හැඟීම වැනි තම දියණිය සතු විශේෂ ලක්ෂණ කීපයක් හඳුනාගන්නට ඔහු සමත් විය.ඉන්පසු වහාම DNA පරීක්ෂණයක් යොදාගත් අතර, මෙවර එය සාර්ථක වූයේ දීර්ඝ කාලයක් පුරා සොයන ලද දියණිය වන්ග් පවුලට හිමි වීමෙනි.

දේව අඩවියේ දී කාමාතුරයන් පිරිසකට ගොදුරු වූ අට හැවිරිදි දැරියකගේ කඳුළු කතාව – Photos & Video

දින ගණනාවක් දේවාලය තුළ තබාගෙන දූෂණය කරලා….

ගෙල සිරකර මරා දමා පසුව ගලකින් දෙවරක් හිසට පහර දීලා….

අට හැවිරිදි දැරියක් කෘර ලෙස සමූහ දූෂණයට ලක් කර මරා දැමීමේ සිදුවීම මේ දිනවල විදෙස් මාධ්‍යවල දැඩි අවධානයට ලක්වී තිබෙනවා. එසේ ඉතා කෲර අන්දමින් දූෂණයට ලක්ව මරණයට පත්ව තිබු‍ණේ ඉන්දියාවේ කාෂ්මීර ප්‍රදේශයේ මුස්ලිම් එඬේර ජන කොටසකට අයත් අසීෆා බානෝ නම් දැරියයි.

ඇගේ මළසිරුර ඉකුත් ජනවාරි මස කතුවා නගරය අසල කැලෑවක තිබී හමුවූ බවයි වාර්තා වන්නේ.

අසීෆාගේ ඝාතනය සම්බන්ධයෙන් සැකපිට විශ්‍රාමික රාජ්‍ය නිලධාරියෙක්, පොලිස් නිලධාරීන් හතර දෙනෙක් සහ බාලවයස්කරුවෙක් ඇතුළු පුද්ගලයින් 8 දෙනෙකු අත්අඩංගුවට ගෙන ඇති අතර ඔවුන් සියලු දෙනාම හින්දු භක්තිකයින් වන බවයි පැවසෙන්නේ.

ඔවුන් අත්අඩංගුවට ගැනීමට විරුද්ධව ‘ජම්මු’ හින්දු භක්තිකයන් විරෝධතා ආරම්භ කර තිබෙනවා.

අසීෆා දූෂණය කර මරා දැමීම මේ සතියේ ප්‍රධාන පුවතක් බවට පත්වූයේ ඇගේ ඝාතනය සම්බන්ධයෙන් සැකපිට හින්දු භක්තික පුරුෂයන් අට දෙනෙකු අත්අඩංගුවට ගැනීම ගැන හින්දු භක්තික කණ්ඩායම් එසේ විරෝධය දැක්වීම හේතුවෙන්.

පසුගිය ජනවාරි මස 17 උදෑසන මුහම්මද් යූසුෆ් පුජ්වාලා ‘කතුවා’ නගරයෙහි පිහිටි සිය නිවස ඉදිරිපිට අසුන් ගෙන සිටින විට ඔහුගේ අසල්වාසියෙකු ඉතා කලබලයෙන් දිව විත් පවසා තිබුණේ යූසුෆ්ගේ අට හැවිදිරි දියණියගේ සිරුර මීටර් සියයකට පමණ එපිටින් පිහිටි පඳුරක් අසල වැටී තිබෙන බවයි.

ස්ථීර පදිංචියක් නැතිව හිමාලයේ ජීවත් වන ‘ගුජ්ජාස්’ නම් මුස්ලිම් එඬේර ජන සමූහයකට අයත් යූසුෆ්, එළුවන් සහ මී හරක් රැක බලා ගන්නා පුද්ගලයෙක්.

ප්‍රාන්තයේ මහ ඇමති මෙහ්බූබා මුෆ්ටි මේ සිදුවීම සම්බන්ධයෙන් පරීක්ෂණයක් පවත්වන ලෙස පොලිස් අපරාධ විමර්ශන ඒකකයට නියෝග කළේ අසීෆාගේ දේහය හමුවීමෙන් දින හයකට පසුව ජනවාරි 23 වෙනි දිනයි.

පරීක්ෂකයන් පවසන අන්දමට ඇය දින කිහිපයක් ප්‍රදේශයේ කෝවිලක රඳවාගෙන දින ගණනාවක් දූෂණය කර අවසානයේ වධ දී මරා දමා තිබෙනවා. මුලින්ම ඇයගේ ගෙල සිර කර මරා දමා තිබෙන අතර ඉන් අනතුරුව ගලකින් දෙවතාවක් හිසට පහර දී තිබුණා.